Croeso i ‘Fflic a Fflac’!
Byd o adnoddau i gefnogi ymgysylltiad, dysgu a mwynhad y Gymraeg ar gyfer eich plentyn. Mae’r holl adnoddau wedi’u datblygu gyda chymorth ac arbenigedd athrawon ac arbenigwyr cwricwlwm a’u mapio i Gwricwlwm i Gymru.
Adnoddau dysgu ac addysgu
Mae cyfres ‘Fflic a Fflac’ yn cynnwys pedwar pecyn amlgyfrwng cynhwysfawr (anhawster cynyddol), pedwar set o lyfrau darllen ychwanegol, caneuon, gemau i hwyluso amser chwarae ar dabled neu ffôn, ac wrth gwrs, dau byped hoffus o’r enw ‘Fflic’ a ‘Fflac’! Mae’r pypedau’n seiliedig ar y ddau gymeriad sy’n cael sylw yn y llyfrau a’r fideos ac mae acenion gwahanol gyda nhw – mae Fflic yn dod o ogledd Cymru ac mae Fflac yn dod o dde Cymru.
-
4 Pecyn
-
Dros 100 o Fideos
-
Dros 100 o Lyfrau
-
4 Gêm
Cwricwlwm i Gymru mewn golwg
Mae Cwricwlwm i Gymru yn nodi’r canlynol:
- Mae ieithoedd yn ein cysylltu â'n gilydd
- Mae deall ieithoedd yn allweddol i ddeall y byd o'n hamgylch
- Mae mynegi ein hunain drwy ieithoedd yn allweddol i gyfathrebu
- Mae llenyddiaeth yn tanio’r dychymyg ac yn ysbrydoli creadigrwydd
Nod ‘Fflic a Fflac’, felly, yw rhoi hyder i ddysgwyr ac ymarferwyr i ddefnyddio’r Gymraeg a rhoi’r gallu iddynt gyfathrebu yn Gymraeg bob dydd. Mae’n darparu cyfleoedd i blant 3–7 oed ddefnyddio’r Gymraeg ar draws y chwe ‘Maes Dysgu a Phrofiad’ o fewn y cwricwlwm – Celfyddydau Mynegiannol, Iechyd a Lles, y Dyniaethau, Ieithoedd, Llythrennedd a Chyfathrebu, Mathemateg a Rhifedd, Gwyddoniaeth a Thechnoleg – ac yn annog defnydd o’r Gymraeg mewn gweithgareddau trawsgwricwlaidd bob dydd.
Adnoddau i'w prynu
Yn ogystal â'r adnoddau digidol ar ein gwefan, yma gallwch chi brynu pypedau, copïau caled o'r llyfrau, ac adnoddau dysgu ac addysgu eraill i'w defnyddio yn yr ysgol a gartref.
